toki a! lon lipu ni la, mi pali e sike mama kipisi pi namako loje. mi pana e sona pi nasin moku tawa sina.

ijo moku:

• sike mama waso
• ko jelo (ko Mustard)
• ko walo (ko Mayonnaise)
• telo kili walo (telo Vinegar)
• telo pimeja (telo Worcestershire)
• namako loje (namako Paprika)
• namako walo (namako Salt)
• namako pimeja (namako Pepper)

o pali e moku a!

nanpa wan la,

• o kama jo e poki pi moku seli.
• o pana e telo e sike mama waso lon poki ni.
• (sina wile la, o pana e namako walo lon poki ni.)
• o seli e ni.
• lon tenpo pi telo seli la, o len e poki, o lili e seli.
• tenpo kama la, o weka e seli.
• o awen len e poki.
• tenpo kama la, o pana e telo lete lon poki.

nanpa tu la,

• o weka e sike mama waso tan poki.
• o pana e sike mama lon supa.
• o weka e selo pi sike mama e telo tan sike mama.
• o kipisi e sike mama.
• lon insa la, sina lukin e ijo jelo pi sike mama.
• o pana e ijo jelo pi sike mama lon poki sin.
• o pana e ijo walo pi sike mama lon supa moku.